slideshow_4.gif

novs commembers per la suprastonza ed ils ulteriurs posts

A caschun dalla radunonza generala dils 4 da november ha ei dau entginas midadas en suprastonza, el comite d'organisaziun, sco era els ulteriurs posts. 

Suenter sis onns en funcziun han il president Salvatore Staglianó, il cassier Sandro Tomaschett ed il commember dil comite d'organisaziun Kevin Albin demissiunau communablamein. En quei senn dèscha ei d'engraziar ad els grondamein per lur lavur prestada duront quei temps. 

Pils proxims dus onns ein vegni eligi sco president igl Iso Tambornino, sco cassier igl Andri Nay ed el comite d'organisaziun igl Ivo Albin. Ad els giavischein nus bien success en lur posts ed in bien maun per la giuventetgna da Trun. 

Sco revisur da quen remplazza igl Andriu Tambornino igl Andri Nay, il qual ha funghiu duront dus onns en quei post. Plinavon ha il Sandro Tomaschett abdicau sco webmaster. Quei post vegn surprius digl Andri Nay. Cordial engraziament pigl engaschi! 

Pil post da scheffas da material ein Lisa Maria Decurtins e Marlis Della Valle vegnidas eligidas per in'ulteriura perioda da dus onns. Cordial engraziament era ad ellas per lur promtadad ed engaschi.